Myanmar Network – Betty ရေးသားသော လူတွေ့စစ်ဆေးခြင်း မဖြေမီ အလုပ်ရရှိစေနိုင်မည့် လုပ်ဆောင်ရန် အချက် (၅)ချက် ကို ကူးယူဖော်ပြပါသည်။
The Society for Personality and Social Psychology က မကြာသေးခင်က ဆောင်ရွက်ခဲ့တဲ့ လေ့လာချက်အရ အလုပ်အတွက် လူတွေ့စစ်ဆေးခြင်းကို မ၀င်ခင်လေးမှာပဲ တေးဂီတကို နားထောင်ခဲ့သော သူသည် လူတွေ့စစ်ဆေးခြင်း ခံရတဲ့အခါမှာ ကိုယ့်ကိုယ်ကို ယုံကြည်မှုပိုရှိပြီး အစွမ်းလည်း ပိုထက်လာတယ် လို့ အကြံပြုထားပါတယ်။
လူတွေ့စစ်ဆေးခြင်း ခံရန်အတွက် ကိုယ့်စိတ်ကို ပိုမိုခိုင်မာအောင် အားဖြည့်ပေးသောသူသည် ထိုသို့မလုပ်သူ များထက် ပိုကောင်းကောင်းဖြေနိုင်မယ်ဆိုတာက သဘာဝကျပါတယ်။ အားကစားသမားတွေနဲ့ ဂီတသမားတွေ ဟာ သူတို့ရဲ့ ဖျော်ဖြေမှုမတိုင်ခင် ဒီလိုပဲလုပ်ကြပါတယ်။ အင်တာဗျူးဆိုတာကလည်း ဖျော်ဖြေခြင်းတစ်မျိုးပဲ လေ။ ဒါကြောင့် သင်ဖြေရမယ့် နောက်အင်တာဗျူးမှာ စစ်မေးသူတွေ လဲကျသွားလောက်အောင် အနိုင်နဲ့ ပိုင်းထွက် လာချင်ရင်တော့ လူတွေ့စစ်ဆေးမှုမတိုင်ခင် လုပ်ဆောင်ရမယ့် ကိစ္စအချို့ကို ဖော်ပြလိုက်ပါတယ်။
၁။ သင်အလုပ်လျှောက်ထားတဲ့ကုမ္ပဏီအကြောင်း သုတေသနလုပ်ပါ။
ဒီလို သုတေသနမလုပ်တဲ့သူ ဘယ်နှယောက်လောက် ရှိသလဲဆိုတာကို သင်သိရင် အံ့သြသွားလိမ့်မယ်။ ဒီကုမ္ပဏီမှာ ၀က်(ဘ)ဆိုဒ် ရှိမှာပါ။ ၀က်(ဘ)ဆိုဒ်ထဲမှာ သူတို့အကြောင်းကို ပြောထားကောင်း ပြောထားနိုင်ပါ တယ်။
၂။ ဒီအလုပ်ကို ဘာကြောင့်လိုချင်တယ်- ဆိုတာကို တိတိကျကျ ပြောနိုင်ပါစေ။
အလုပ်လျှောက်တဲ့အခါ လခလိုချင်လို့ ဆိုတဲ့ အကြောင်းပြချက်ကလွဲပြီး တခြားအကြောင်းပြချက် ဖော်ပြခြင်းမရှိ တဲ့သူ ဘယ်လောက်တောင် များသလဲဆိုတာကို သင်သိရင် ထပ်ပြီး အံ့သြသွားဦးမှာ။ သင့်အနေဖြင့် စစ်ဆေး သူရဲ့ မျက်လုံးကို တည့်တည့်ကြည့်ပြီး အလုပ်လျှောက်ရတဲ့အကြောင်းရင်းကို တိတိကျကျပြောနိုင်ရင် သင်ဟာ တခြားသော ပြိုင်ဖက်တွေထက် ၇၅% ရှေ့ကို ရောက်နေမှာ ဖြစ်ပါတယ်။
၃။ သင်သည် ကုမ္ပဏီအတွက် ဘယ်လိုတန်ဖိုးဖြစ်စေမည်- ဆိုတာကို ရှင်ပြနိုင်ခြင်း။
သင်အလုပ်လျှောက်ထားတဲ့ကုမ္ပဏီဟာ လူလိုနေပါတယ်။ သို့သော် ဘယ်သူဖြစ်ဖြစ် ကိုတော့ လိုချင်တာ မဟုတ်ပါ။ အလုပ်အတွက် သင့်တော်တဲ့သူကိုသာ လိုချင်တာဖြစ်ပါတယ်။ သင့်ကို စစ်ဆေးသူကို သူတို့ရဲ့ကုမ္ပဏီဟာ အရမ်းကောင်းတာပဲ ဆိုတဲ့ မြှောက်ပင့်စကားတွေ ပြောပြီးတဲ့အခါ သင်ဟာ အလုပ်အတွက် ဘယ်လိုသင့်တော်တယ် ဆိုတဲ့အကြောင်း ပြောပြခြင်းဖြင့် သူတို့၏ အထင်ကြီးမှုကို ရယူပါ။ မိမိကိုယ်ကို မိမိ ယုံကြည်ခြင်း (confidence) နှင့် စိတ်ကြီးဝင်မှု (arrogance) တို့သည် မတူပါ။ ကွဲပြား ပါတယ်။ ထိုကွဲပြားမှုကလည်း- သင့်အပြောတွေဟာ ယုတ္တရှိတဲ့စကားလား (သို့) ရယ်စရာကောင်းတဲ့စကားလား ဆိုတဲ့အချက်ပေါ် မူတည်နေပါ။ ကိုယ့်ဘာသာကိုယ် မဆုံးဖြတ်နိုင်ရင် သူငယ်ချင်းတစ်ယောက်နဲ့ ကြိုတင် လေ့ကျင့်ပြောကြည့်ပြီး သူတို့ရဲ့ထင်မြင်ချက်ကို ယူပါ။ နားထောင်ပေးတဲ့သူကို၊ စကားကို ဒဲ့ဒိုးပြောတတ်တဲ့ သူငယ်ချင်းမျိုးကို ရွေးပါ။ သင့်မှာ ထိုသူငယ်ချင်းမျိုးတစ်ယောက်လောက်တော့ ရှိမှာဖြစ်ပြီး ထိုသူကလည်း ဒီလိုဝေဖန်ခွင့်ရမယ့် အခွင့်အရေးကို စောင့်နေတာ ဖြစ်မှာပါ။
၎။ လူတွေ့စစ်ဆေးမှုမတိုင်မီ (၂)နာရီအလိုမှာ တစ်မှေးလောက် အိပ်လိုက်ပါ။
စာမေးပွဲတစ်ခုခုကို ဖြေဆိုတိုင်း ၄င်းမတိုင်မီ တစ်ချိန်ချိန်မှာတော့ စာကျက်လည်း စာဆက်ပြီး ကျက်လို့ မရတော့တဲ့အချိန်မျိုး ရှိပါတယ်။ စာတွေဟာ ခေါင်းထဲမှာ ရှိတယ် (သို့) မရှိဘူး။ နှစ်ခုအနက် တစ်ခုခုပဲ။ ဒါ့အပြင် သင် စစ်ဆေးခြင်းခံနေရတဲ့အချိန်မှာ သင့်အနေနဲ့ အရမ်းကြောက်ပြီး အရမ်းစိတ်လှုပ်ရှားနေရင် စစ်ဆေးသူ အနေဖြင့် သင်ဟာ စိတ်လှုပ်ရှားလွယ်သူတစ်ယောက်လို့ ယူဆသွားနိုင်ပါတယ်။ တစ်မှေးမအိပ်နိုင်ရင် တောင်မှ စိတ်တည်ငြိမ်ပြီး အတွေးများ စုစည်းနိုင်ဖို့ အချိန်(၁၀)မိနစ်လောက် ယူပါ။ ထို့နောက် စစ်ဆေးမည့် အခန်းထဲ မ၀င်ခင် ကျယ်လောင်တဲ့ ရော့(စ်)သီချင်းများကို နားထောင်သွားပါ။
၅။ ကိုယ်တိုင်ရေးသားသော ကျေးဇူးတင်လွှာ ပေးပို့လိုက်ပါ။
ငြီးငွေ့စရာကောင်းမှန်း သိပါတယ်။ ဒါပေမဲ့ ရေးဖြစ်အောင်ရေးပြီး သင့်ကို အင်တာဗျူးအတွက် အချိန်ပေး ခေါ်ဆိုတဲ့အတွက် ကျေးဇူးတင်ကြောင်း ပြောလိုက်ပါ။
LinkedIn.com မှ Jeff Havens ရဲ့ 5 Things To Do Before An Interview That Will Get You Hired ကို ကိုးကားဘာသာပြန်ထားတာဖြစ်ပါတယ်။
Myanmar Network – Betty ရေးသားသော လူတွေ့စစ်ဆေးခြင်း မဖြေမီ အလုပ်ရရှိစေနိုင်မည့် လုပ်ဆောင်ရန် အချက် (၅)ချက် ကို ကူးယူဖော်ပြပါသည်။
No comments:
Post a Comment